Mao kini ang mga pangutana nga naglimin sa hunahuna sa daghang mga tawo sa Gingoog human masunog sa ikaduhang higayon ang Agora market niadtong Agosto 7 ning tuiga mga alas 12:38 sa tungang gabii. Ikaduha na kini nga pagkasunog nga mitibawas pag-ugdaw sa silong nga bahin sa maong gambalay diin ang taas nga bahin nasunog na niadtong Mayo ning tuiga sa wala pa ang eleksiyon. Daghan ang giingong nagduda na gituyo kini pagsunog aron mapugos pagpahawa ang mga tawo nga nagmagahi sa pagbiya sa ilang mga pwesto.
Kini hinoon espekulasyon lamang ug way kongkreto nga basihanan tungod kay matod pa ni Fire Officer I Johan E. Rana, usa sa mga imbestigador sa Gingoog City Fire Station and angulo sa ilang imbestigasyon nagpakita nga aksidente ang nahitabong pagkasunog. Kini tungod sa 'short circuit' sa koryente nga gituohang nagsugod duol sa carenderia stall sa usa ka Oliveros.
Hinoon ang hingpit nga imbestigasyon gitakdang himoon sa Provincial Fire Station tungod sa kadako sa damyos sa maong sunog nga miabot ug 38 milyones ka pesos.
Sulat ni: Conrad Soria
No comments:
Post a Comment