ni: Judy J. Roxas
Mukabat na sa siete milyones ang kinatibuk-ang salapi ang nagogul sa nagkalainlaing proyekto nga napatuman na diha sa Brgy. Lawaan ning siyudad. Kini sumala na sa pakighinabi ni Capt. Loreto Alonte sa maong barangay atol sa adlaw sa pangilin kagahapong adlawa agig pasidungog ni Sr. San Roque nga ilang mahal nga patron.
Matud ni Alonte nga kini nga pundo nagagikan sa lokal nga pangagamhanan ubos sa liderato ni Mayor Ruth de Lara Guingona ug nadapat sa nagkalainlaing infrastruktura sa maong barangay.
Si Alonte kinsa maoy nangulo kagahapon sa ilang barangay sa nagkalainlaing mga kalihukan miingon usab nga kasamtangan ang 2.4milyones nabubo karong tuiga sa ilang barangay ug ang uban niini napatuman na sama sa road conreting ug water works project.
Sa dihang gipangutana siya sa MT News Team kon aduna bay nahatag ang provincial nga pangagamhanan ug sa Congressional Fund, matud niya nga wala gyud siya nakadawat ug pundo niining mga ahensiyaha gawas lang gikan sa lokal government unit.
Sa katapusan, mipadayag usab si Alonte sa MT News kabahin sa kahimtang sa kahusay ug kalinaw sa iyang barangay nga 100% walay kasamok ug tataw kaayo nga ang tanang kabarangay migasto sa ilang kapistahan gumikan sa nasinati sa peace and order situation.
No comments:
Post a Comment