Sulat ni: Conrad Soria
Wala ma-demoralisar ang kapolisan sa dakbayan sa Gingoog taliwala sa kaulaw nga naangkon sa atong nasod gumikan sa ‘palpak’ nga “rescue operation” sa kapolisan sa Manila niadtong krisis sa “hostage” didto sa Quirino Grandstand. Mao kini ang gisulti ni PSupt Leony Roy Ga, hepe sa kapolisan ning dakbayan sa dihang nahinabi sa Monitor Today. Hinoon gisulti ni Ga nga gikan sa maong palpak nga rescue operation nakakuha sila ug leksiyon nga angay nilang batonan kon ugaling adunay susamang panghitabo dinhi sa Gingoog.
Gisulti ni Ga nga walay Special Weapons and Tactics division kon SWAT ang kapolisan sa Gingoog apan adunay pipila nila ka sakop nga nabansay sa SWAT ug andam motubag kon adunay mga krisis nga mahitabo dinhi sa ato sama sa hostage. Matod ni Ga sa tanang panghitabo nga susama niini ang unang prioridad nga ilang gilantaw mao gayod ang kinabuhi sa mga biktima ug bisan gani sa naghimo sa krimen.
No comments:
Post a Comment