“SALAMAT”! SENADOR GUINGONA

Sulat ni Conrad Soria

       Gipasalamatan ni Senador Teopisto ‘TG’ Guingona III ang katawhan sa Gingoog tungod sa ilang dakong gikatabang aron makalingkod siya sa senado. Kini gihimo ni Guingona atol sa ika-31 nga Annual General Assembly Meeting sa Moresco Dos sa Arturo S. Lugod Gymnasium ning dakbayan sa Gingoog, Sabado, Agosto 21, 2010. Si Guingona mao ang pinasidunggang mamumulong atoll sa maong asembliya.

 

 Sen. Teofisto "TG" De Lara Guingona, Jr.

       Matod pa ni Guingona, ang Gingoog City ug ang unang distrito sa Misamis Oriental dako ug gikatampo sa mga boto nga naghatod kaniya sa senado. Ang Moresco Dos naglangkob sa unang distrito sa Misamis Oriental lakip na ang lungsod sa Claveria sa ikaduhang distrito. Napulo’g usa ka lungsod ug usa ka dakbayan ang coverage area sa Moresco Dos. Gawas kang TG Guingona mitambong usab si Mayor Ruth de Lara Guingona ug mga representante ni Governor Oscar Moreno ug kongresista Pedro Unabia.