Sulat ni Conrad Soria
Kapitan sa tugboat nga nagguyod sa troso sa STC padulong sa pabrika sa APTCO sa Lunao ang gisikop sa navy ug dili ang giguyod nga mga troso. Mao kini ang gisulti ni Teddy Caballes kinsa nakauban sa navy sa maong pagsikop. Matod ni Caballes igo lang nagsusi sa legalidad sa paguyod sa troso ang mga navy apan nagpakita sa pagka arogante ang nahisgutang kapitan nga wala mahinganli sa tinubdan. Tungod niini nakom,piskar kadiyot ang tugboat ug ang mga troso nga giguyod ug gideposito diha sa Pahayahay sa Pantalan bag-ohay lamang.
Giingon sa balita ang pagguyod sa troso legal tanan apan ang sayop sa kapitan kay wala kini magdala sa iyang mga papeles pagsuportar sa iyang trabaho ug bisan ngani sa iyang lisensiya sa pagkakapitan. Apan ang mga mausisahong magbalantay sa environmento sa Gingoog igo lamang nagpataas sa ilang mga kilay ug nangutana: Mao ba? Ana ra diay na?
No comments:
Post a Comment