INILANG medical doctor, abogado, educator ug brodkaster nga si Dr. Lourdes Libres Rosaroso namatay sa edad nga 75 niadtong Biyernes.
Si Dr. Rosaroso, naila sa iyang programa nga pagpanambag nga medikal ug legal sa radyo sa programa nga ‘Kini ang Akong Suliran’ sud na sa 35 ka tuig sa dyHP sa Radio Mindanao Network, tungod sa pagpakigbugno sa breast cancer sud na sa unom ka buwan.
Pipila ka oras sa wa pa kini namatay, nasud siya sa Cebu South General Hospital dihang naglisod na kini sa pagginhawa.
Si Rosaroso kaduha nabalo apan wa anak hinungdan nga nanagop og pito ka mga bata nga iyang mga pag-umangkon.
Duha sa iyang mga sinagop nahimong doktor, Dr. Ligia Libres ug Randolph, kinsa gitahasan sa pagpadayon sa iyang prgorama sa radyo.
Niadtong Pebrero, si Dr. Rosaroso na-diagnose nga dunay stage four nga kanser sa tutoy ug gioperahan kini.
Gipaubos siya og kausa sa chemotheraphy apan nipadayon pag-ubos ang iyang kondisyon. Sud-ug-gawas na sa ospital ang doktora.
Kanunay lang sa usa ka lawak sa iyang sa St. Paul College main campus sa Bulacao, siyudad sa Sugbo. Ang tunghaan nga iyang gitukod niadtong 1985. Lumad siya nga taga Alicia, Bohol. (Gikan sa Sun.Star Cebu)
No comments:
Post a Comment