Child Labor pa-imbistigahan sa SP.

Gisuportahan sa Sangguniang Panlalawigan sa Misamis Oriental ang hangyo sa Gingoog City Social Services Office sa pag-imbistigar sa sa gikatahong child labor practice sa Barangay Eureka.

Si kagawad Jabi I. Bernaldez, chairman sa comiti on social services ang nangamahan sa maong resolusyon.

Matud pa ni Bise God Norris Babiera nga ang mga kabataan ang angay naa sa tunghaan ug dili sa pagpatrabaho niini sa sayong panuigon.

Giduso sa komitiba sa social services ang maong reklamo aron masugdan ang pag-imbistigar niini.

Samtang sa laing bahin, hingpit nga implementasyon sa 20% discount para sa senior citizens, gisuportahan sa SP-Misor.

Si Board Member Jimmy Caina ang nangamahan sa maong resolusyon basis a Republic Act 9994 kon Expanded Senior Citizens Act.

Ang maong balaod naghatag ug prebilihiyo alang sa mga senior citizens nga makaangkon sa 20 porsyento deskwento sa mga batakang palaliton sama sa tambal, pletehan sa PJUs ug uban.

Gitahasan ang tanang local social welfare and development offices sa Misamis Oriental sa hugot nga pagmonitor sa pagpatuman sa nasangpit nga balaod.
Sulat ni MarEnd's