“Angay nga andam ang tanang pamilya sa tanang panahon batok sa katalagman.” Mao kini ang gipahayag ni Theodore Caballes, chairman sa rescue and relief operation sa dakbayan sa Gingoog sa dihang nahinabi sa Monitor Today. Si Caballes atua karon sa Estados Unidos ug nagtuon sa mga binag-ong pamaagi sa paglihok sa panahon nga adunay katalagman. Matod ni Caballes didto sa America ang mga tawo pinugos nga pabakwiton sa mga sundalo kon nameligro ang ilang dapit sa katalagman.
Tubag kini ni Caballes sa taho nga ang batasan sa mga tawo dinhi sa Gingoog dili magbalibali kon pabakwiton bisan peligroso na ang ilang kahimtang tungod sa pagtaas na sa tubig baha. Ultima ora kini nga mga tawo manawag sa dinalian ug mamugos na kon taas na kaayo ang tubig. Matod ni Caballes kinahanglan nga sa sayo pa mamakwit gayod ang mga tawo tungod kay mahimong dili na tulobagon sa kagamhanan ang mahitabo kanila kon mabiktima na sa katalagman. ni Conrad Soria
